Ahoana no fomba atao ahitana hevitra
entina mandraharaha?
Ny dingana arahina!
Misy dingana arahina rehefa mandraharaha ka voalohany amin’izany ny fitadiavana hevitra?
Ny fototra tokony ho fantatra
-
Ny TOLOTRA manandanja ho an’ny MPANJIFA dia izay mamaly ny FILANY. Vonona ny hividy lafo izy rehefa mifanandrify amin’ny zavatra tadiaviny no atolotra azy;
-
Ny zavatra VAOVAO tsy mbola misy mpanao dia manandanja kokoa ho an’ny MPANJIFA. Maharitra kokoa ny orinasa rehefa sarotra alain-tahaka ny vokatra varotiny. Lafo vidy kokoa ny entana miavaka sy tsy misy mitovy aminy;
-
Ny VOKATRA dia tokony VAHA-OLANA entina mamaha OLANA. Ny asan’ny mpandraharaha dia ny mamantatra ny OLANA misy manodidina azy ary mivarotra VAHA-OLANA entina mamaha izany.
Inona no zavatra mety na tokony hiaingàn’ny eritreritra voalohany?
Ny zavatra hainao
Raha olona nianatra ianao dia afaka iaingànao izay zavatra nianaranao.
Ny zavatra tianao
Mazoto sy maharitra ianao raha zavatra tianao no iaingànao.
Ny fakankevitra
Afaka maka torohevitra @ namana na fianakaviana na olona manana traikefa.
Ny famoronana
Mamorona vokatra vaovao mbola tsy fahita eny an-tsena eo an-antoerana.
Ny fironan'ny filàn'ny mpanjifa
Ny fahaizanao mijery ny fiovaovan’ny filan’ny mpanjifa sy mijery ireo mety ho filàny manaraka.
Ny olana misy
Jereo ny olana misy manodidina anao ka ijereo vahaolana azo varotina azahoana tombony. OLANA = IRIKA = VOLA
Ny otrikarena eo @ faritra
Ianao no mahita hoe inona avy ireo otrikarena misy eo @ faritra onenanao ka azo ketrehina.
Ireo laharam-pahamehana
Ho antsika eto Madagasikara: ny agribusiness, ny fizahantany, ny TIC, ny lamba, ny fotodrafitrasa.
FANDALINANA NY ZAVA-MISY AHITANA SORIDALANA!
Ity fomba fiasa iray ity dia manasa anao handinika ny momba anao manokana (ny tanjaka sy ny fahalemenao) ary hijery ihany koa avy eo ny manodidina anao (ny irika azonao araraotina sy ny loza manambana).
Izy io dia ahitanao soritra ny lalankaleha mifanaraka @ zava-misy sy ny mety ho vitanao.
TANJAKA
IRIKA AZO ARARAOTINA
FAHALEMENA
LOZA MANAMBANA
Fenoinao io tabilao eo ambony io rehefa manao fandinihantena sy fandinihina ny manodidina anao ianao.
Rehefa avy eo dia mivoaka ny tsirinkevitra fandraharahana mifanaraka amin’ny tenanao sy ny manodidina anao.
Raha mitady fitaovana feno kokoa inao ahafahanao manao fandalinana dia jereo ato.
Ohatra fakan-tahaka
Niasa ho an’olona izy tany aloha. Sakafo no sehatrasa misy azy. Sady tiany no nananany fahaizana sy traikefa ny zavatra nataony. Nanapakevitra izy ny hiasa tena.
Expert-comptable tany ivelany izy kanefa nahita fa laharam-pahamehana eto @ Nosy ny fambolena ary nahita fa misy otrikarena (tain’ny ramanavy) azo ketrehina atao ho zezika.
Efa mpiasan’ny orinasan-tserasera izy teo aloha. Sady tiany ny asany, nananany traikefa sy fahaizana ary hainy ny nanaraka ny fironan’ny filàn’ny mpanjifa.
Hijery ireo tantaran’ireo mpandraharaha hafa…